Munnleg Prøveeksamen

No har vi nettopp hatt munnleg prøveeksamen, (eg var forsåvidt ferdig halv elleve, sånn berre for detaljane si skuld) og eg kom opp i norsk. Eg var ganske heldig med det, med tanke på at norsk er eit av mine to beste fag. Oppgåva var om saktekstar, og gjekk stort sett ut på å gjere greie for ulike sjangerar, forklare kritisk om bruk av kilder, og så vidare.



Så eg har jobba på spreng og sett saman ein nesten brukande Power Point/Impress-presentasjon.





Men fy sørem som eg har stressa. Nesten ikkje ete sida eg kom heim frå skulen og var så kvalm før eg skulle inn at eg ikkje visste kor eg skulle gjere av meg. Snubla over det eg visste og hadde, og kom meg ganske greit igjennom, sjølv om eg måtte kutte ned litt på brev og rapport. Takk og lov for at eg kjenner meg sjølv godt nok til å vete at eg surrar som eit esel, så eg tok det med i betraktninga når eg sette opp stikkord!

Kom ut og håpa og ba om ein firar, blei kala inn at og fekk beskjed om at eg ikkje var i nærleiken av foraren ein gong, men hakket over. Så det blei sterk femmar på meg! Kunne fått seks, viss eg hadde vist meir eksempel i tekstane (til mitt forsvar, og også som "sensor" sette pris på, hadde eg mange munnlege eksempel innimellom ("sensor" verka veldig begeistra for mi forklaring på fornuftsargument, "Set du ei kyr på graset kjem ho til å ete, for før eller seinare blir ho svolten." Jada. Veldig flink å finne på ting i farten.)



Så satsar på å enten få norsk eller engelsk på den skikkelege eksamenen, med tanke på at det er dei faga eg kan best, og Olin meiner eg har språket til å klare meg fint der óg.

WOOSH!