Ny header og Bob Bryar

PUNKT EIN. Ny header. Truleg er kjem den ikkje til å vare like lenge som den andre, men eg bladde igjennom nokre gamle filer på denne dataen, og kom over nokre bilete eg tok 17.mai for nokre år sidan. Viss du ser godt etter og snur litt på dei små grå, kjenner du kanskje att Nordfjordsongen. Er litt usikker på kvifor, men eg har verkeleg sansen for denne songen. Kanskje det har noko med dei klåre bileta eg får i det ellers så fargelause og ordfylte hovudet mitt, kanskje det er noko med alle dei gode anledningane den har blitt brukt til, kanskje det er litt av alt. Kanskje det til og med sit ein liten patriot inni her ein plass. Uansett, får eg alltid frysningar på ryggen når eg høyrer den.

PUNKT TO. I kveld når eg logga på Facebook, låg det ei melding frå eit av yndlingsbanda mine øverst i nyhendene. Først tenkte eg det verste - at no har dei brote opp, men så gale var det heldigvis ikkje. Likevel, det var ingen gladnyheit.
Så er det omsider bekrefta. Bob Bryar har skild lag med My Chemical Romance.

Eg saknar han allereie, og det verkar heilt feil at vi ikkje får sjå eller høyre denne utruleg dyktige mannen bak MCR-trommesettet meir. Eg kan sitje her og skrive side opp og side ned, men det skal eg ikkje. Han er ikkje daud, og eg vil ikkje få det til å høyrest sånn ut heller. Men nokre ting er klare:
- My Chemical Romance blir aldri det same.
- Eg saknar han allereie.
- Eg ønskjer han lykke til - og satsar på at han snart kjem att i ny drakt.
- Forhåpentlegvis slepp han handleddsoprasjonar og tredjegrads forbrenningar i framtida.
- Han framstår for min del framleis som den kulaste trommisen ever.


Og hugs å stemme på Gloppen Janitsjar på musikkorps.no!